نظام البكالوريا الجديد
الأساسيات اللي الطالب وولي الأمر محتاجين يعرفوها — من غير لف ولا دوران.
إيه اللي اتغيّر؟
أهم تلات حاجات في النظام الجديد.
تلات سنين
السنة الأولى تمهيدية ودرجاتها مش بتتحسب في المجموع النهائي. السنتين اللي بعدها هما اللي بيتبنى عليهم المجموع.
مسارات
الطالب بيختار مساره بعد السنة الأولى حسب المجال اللي عايز يكمّل فيه، بدل تقسيمة "علمي وأدبي" القديمة.
فرصة تحسين
فيه فرصة إعادة امتحان لتحسين النتيجة حسب شروط الوزارة — يعني سنة الطالب مش معلّقة على يوم واحد.
المسارات
الطالب بيختار المسار اللي يوصّله للكلية اللي نفسه فيها.
الطب وعلوم الحياة
للمجالات الطبية والبيولوجية.
الأعمال
للاقتصاد والإدارة والمحاسبة.
تغيير المسار ممكن بعد السنة الأولى حسب ضوابط الوزارة.
يعني إيه ده لابنك؟
النظام الجديد بيقلّل الرعب اللي كان في الثانوية العامة، بس بيزوّد حاجة تانية: الطالب بقى محتاج يفهم مش يحفظ، ومحتاج يتدرب على أسئلة بتقيس الفهم مش الذاكرة.
وده بالظبط اللي المنصة اتعملت عشانه: معمل مع كل درس عشان الفهم، ووضع تدريب بأكتر من ١٠٠٠ سؤال لكل فصل عشان التمرين، ومتابعة لولي الأمر عشان محدش يفوقط متأخر.
قبل ما تعتمد على أي معلومة
الصفحة دي بتشرح الأساسيات المعلنة عن النظام الجديد بشكل مبسّط. القرارات التفصيلية (المواد، الدرجات، مواعيد الامتحانات) بتصدر وبتتحدّث من وزارة التربية والتعليم.
للتأكد من أي تفصيلة، ارجع للموقع الرسمي للوزارة أو اسألنا على واتساب.
أسئلة بتتسأل كتير
ابني في السنة الأولى — درجاته بتتحسب؟
السنة الأولى تمهيدية ودرجاتها مش داخلة في المجموع النهائي، لكنها بتأسّس المستوى اللي هيبني عليه في السنتين الجايين — والمواد بتكمّل على بعض.
يختار المسار إمتى؟
بعد ما يخلّص السنة الأولى. وفيه إمكانية تغيير المسار بعد كده حسب ضوابط الوزارة.
لو النتيجة مش كويسة، فيه إعادة؟
النظام بيتيح فرصة إعادة امتحان لتحسين النتيجة حسب شروط ومواعيد بتحددها الوزارة.
المنصة بتغطي كل مواد البكالوريا؟
دلوقتي متاح كورس البرمجة والذكاء الاصطناعي وكورس التاريخ، وفيه مواد تانية في الطريق.
